Alamomin Mace Mai Ciki – Yadda Za a Gane Cewa Kina Dauke da Ciki
Alamomin Mace Mai Ciki
Shin kina zargin cewa kina dauke da ciki? Ga wasu muhimman alamomi da yawancin mata ke fuskanta tun farkon makonni na daukar ciki. Ko da ba a yi gwaji ba, wadannan alamomi na iya nuna cewa mace na dauke da juna biyu.
1. Rashin Zuwa Al’ada
Idan mace ta daina ganin al’adar wata-wata, musamman bayan tayi jima’i ba tare da kariya ba, hakan na iya nuni da daukar ciki. Wannan shi ne mafi shahararren alamar ciki.
2. Jin Kasala da Yawan Bacci
Hormones na ciki na sa mace jin gajiya da kasala fiye da yadda ta saba. Zai yiwu mace ta dinga yawan kwanciya da bacci ba tare da wani dalili ba.
3. Ciwon Nono da Cikarsa
Nonon mace zai iya kumbura ko kuma ya fara jin zafi da kauri. Wani lokaci ana iya ganin jijiyoyi a nonon ko canjin launin nonon ya koma mai duhu.
4. Yawan Amai da Jin Ciwon Ciki
Yawancin mata na fuskantar amai da jiri, musamman da safe. Wannan yana daga cikin alamomin farko na ciki. Hakanan, wasu kan ji ciwon ciki mai laushi kamar yadda ake ji kafin al’ada.
5. Canjin Hali da Jin Kishi Ko Damuwa
Mace mai ciki na iya jin sauyin yanayi – daga annashuwa zuwa bacin rai. Wannan na faruwa ne sakamakon sauyin hormones a jikinta.
6. Jin Zafin Gaba ko Ciki
Wasu mata na iya jin karamin ciwo ko nauyi a gabansu ko cikin su – wani irin “pressure” wanda ya bambanta da na yau da kullum.
Yaushe Ake Bukatar Gwajin Ciki?
Idan mace ta ga alamomi biyu zuwa uku daga cikin wadannan, ya kamata tayi gwajin ciki (pregnancy test). Hakanan, ana iya zuwa asibiti domin karin bayani da tabbaci.
Kammalawa
Daukar ciki na zuwa da alamomi daban-daban, kuma kowace mace na da nashi sauyin. Idan kina zargin cewa kina da ciki, yana da kyau ki nemi shawarar likita ko ayi gwaji don tabbatarwa.
